曼联委任坦哈格为来季新帅，据报年薪900万镑，呢位52岁荷兰富二代嘅底细陆续曝光，佢执教过嘅球队队员爆料指，坦哈格系一位「完美主义者」，又有「强迫症」同「细节控」，佢入主曼联，势必天翻地覆。

2012至13年效力伊高斯嘅球员奥华哥亚透露，坦哈格对球队训练有好多特别要求：「坦哈格会要求所有饮品排成直线，对球场草皮亦有要求，每日都会搵球场工人，要求草皮必须系2毫米。」

佢执教早年已经系咁，後来坦哈格入主阿积士，佢嘅「强迫症」又严重咗，例如不同顔色背心必须分开，分队赛时连波袜颜色都要一样，开始练波时，球员必须一齐由更衣室走到训练场，绝不允许三五成群，迟到者将被严惩。

在季前集训中，一般需要6周时间，坦哈格会准备一本厚装战术指令，详细列出训练计划，精确到每日嘅每一分钟，并会向每名球员讲解细节。对於比赛对手，即使系弱队，坦哈格都会安排对方每名球员嘅剪辑影片，同球员逐个分析。

曼联更衣室充斥咁多巨星大帝，同坦哈格困兽斗，来季肯定好戏连场。