下季将会执教曼联嘅荷兰教头坦哈格，离个人第3个联赛冠军又近一步！阿积士周日(9日)作客2比2逼和阿尔克马尔後，领先同样失分嘅燕豪芬4分，喺只剩2轮联赛下，阿积士周四(12日)凌晨只要主场击败海伦芬，就可以提早封王。

阿积士今场作客第5位嘅阿尔克马尔，完半场前由布罗比入波领先，但下半场竟然连失2球反输1比2，直到完场前4分钟先由艾臣奥马艾华利斯建功追平，由於次席燕豪芬同日作客被飞燕诺逼和2比2，阿积士得以向冠军迈进一大步。

坦哈格赛後表示：「作客阿尔克马尔打和系一个好嘅赛果，最重要系冠军前途掌握喺我哋手中。」阿积士最後2轮联赛对海伦芬同维迪斯，只要赢1场已经可以捧盃，坦哈格之前喺18/19、20/21球季2夺荷甲，今次当然希望喺转投曼联前，再拎冠军作为告别礼物。