阿仙奴领队阿迪达早前续约之後，准备今夏大展拳脚，提升球队人脚实力，英国《每日电讯报》指呢位40岁西班牙少帅有意打「友情牌」，争取签入曼城翼锋史达宁。

史达宁剩下1年合约，但曼城方面仍然未同呢位27岁英格兰国脚倾续约，消息指阿迪达想乘虚而入，一旦史达宁续约失败，就会邀请佢加盟兵工厂。

阿迪达曾於2016至19年担任曼城助教，同史达宁关系良好，亦非常了解佢嘅踢法同强项，认为呢位翼锋可以提升阿仙奴攻力。

由於拿卡锡迪、尼基迪亚好可能今夏自由身离开阿仙奴，如果史达宁入「厂」，应该可以稳坐正选，点都好过依家被曼城主帅哥迪奥拿冷落，特别系艾宁夏兰特入「城」之後，史达宁上阵时间或会进一步减少，相信佢会乐於转投阿仙奴。

加上阿迪达师承哥迪奥拿，徒弟开到声，哥帅可能愿意放走史达宁。