卡域克离任曼联看守领队後，一直闲赋在家，近日佢似乎有新搞作，据报英甲球队林肯城希望搵呢位前红魔中场执教球队，如果事成，将会系卡域克开始教练生涯後，首次任职担正主教练一职。

现年40岁的卡域克累积咗唔少教波经验，2018年挂靴後，佢留喺曼联展开教练工作，期间曾分别担任两任红魔主帅摩连奴同苏斯克查嘅助教，喺後者被炒鱿後，卡域克仲一度以看守领队身分带领曼联出战，直至兰历克执起球队教鞭。

嚟紧呢位曼联名宿随时有新挑战，据英国传媒报导，过去一季喺英甲仅以17名冲线嘅英甲球队林肯城，喺前主帅阿普尔顿4月底离队後，正积极搵紧卡域克接手球队，据悉呢位前英格兰国脚现时认真考虑紧呢次机会，正式展开执教生涯。