利物浦周日（22日）失落联赛冠军後，即将要出战对皇家马德里嘅欧联决赛，但系赛前就先收到怀消息，堤亚高艾简达拿恐怕因伤仅能作壁上观，而「幸运童子」奥历治亦受伤笃定错过呢场大赛。

「红军」周日（22日）虽然3比1击败狼队，但另一场曼城反胜阿士东维拉，佢哋仅以1分之差失落冠军，「4冠王」梦碎。与此同时，中场主力堤亚高艾简达拿，半场前因拉伤大腿筋退下火线，高普喺赛後受访时虽然唔能够答实，佢喺下周日（29日）对皇马嘅欧联决赛出唔出到，但就话佢嘅情况不容乐观：「堤亚高嘅情况唔乐观，但尚要时间观察，佢仲行得到，呢个可能系一个好嘅迹象，但要喺休息之後睇吓情况点。」

除此之外，经常喺紧要关头救番利物浦一命嘅奥历治，已确定因伤无缘呢场大战，而喺对狼队冇上阵嘅法宾奴同华基尔云迪积克，就需要时间再确定。不过无论点，高普话球员要尽快恢复心情，准备呢场波：「球员会尽快收拾失落联赛冠军嘅情绪，准备去巴黎同皇马链过！」