英格兰球星连格约满曼联後，目前仍未搵到新球会落班，据英国《The Athletic》报道，连格已决定下个星期决定去向，最迟周五(22日)去新球会报到，消息指连格依家有多份合约选择，其中一张来自沙特阿拉伯嘅聘约最有机会成事。

据报29岁嘅连格目前有3份嚟自英超球会嘅斟介，传闻韦斯咸同爱华顿就系其中2队，亦有美职同沙特阿拉伯球队聘约，不过连格已率先否决去美职嘅可能性。报道指连格首选系留喺英超，但一间沙特阿拉伯球会开出1,000万镑年新合约，就令连格要重新考虑。无论最终去向系边队，连格都会喺未来1星期内做决定。