C朗闹离队一事，令呢位葡萄牙球王形象大受影响，唔少曼联球迷都认为会方应该放走佢，无谓影响军心。不过，红魔鬼名宿里奥费迪南指C朗绝对唔走得，因为红魔鬼要靠佢先至入到波。

里奥费迪南话：「好多人话应该畀C朗走，好呀，但要先签1位可以1季入到25球嘅球员，达云纽尼斯去咗利物浦，艾宁夏兰特去咗曼城，罗拔利云度夫斯基去咗巴塞隆拿，只有呢3人有能力顶替C朗，但佢哋都已加盟其他球队，所以C朗唔走得，就算佢要走，曼联都唔可以批准。」

另外，里奥费迪南仲话另1位曼联前锋安东尼马迪尔水准唔稳定，冇可能代替C朗，甚至应该出售呢位法国国脚。