巴塞隆拿本周即将启动第4支经济杠杆，以解决新球员注册问题，但佢哋之前积压嘅欠薪仲未付清，累计高达3.89亿欧元，其中已离队一年嘅美斯仲有条尾数，金额高达5200万欧元，所以美斯明年夏天一定会返巴塞。

由於上一任会长巴度美奥理财不善，加上新冠疫情爆发，令球会债台高筑，之前已多次减薪，亦曾3度推迟出粮，积落一大堆欠薪未找数，其中美斯最多，共5200万欧元，另外碧基尚欠3100万欧元、布斯基斯2700万欧元、佐迪艾巴2300万欧元、法兰基迪庄2000万欧元等。

根据西甲赛会规定，巴塞今夏必需将薪酬总额由5.6亿欧元下调至4亿欧元，所以上述几位现役巴塞球员要继续推迟出粮，并要接受减薪，其中迪庄不但要降薪，更要放弃1300万欧元欠薪，如果唔接受，就要卖去曼联或车路士。

至於美斯条数，巴塞打算明年夏天等佢同巴黎圣日耳门约满，就免费签返佢，到时佢再帮巴塞上阵，球队财政好转，笔数就可以慢慢还。