英超球会狼队周一(8日)宣布，成功由华伦西亚签入葡萄牙前锋干卡路古亚迪斯，据报今次转会费高达2,750万镑，呢位25岁前锋签约5年，佢同狼队主帅般卢拿治曾经喺宾菲加合作，应该可以好快融入新球队。

狼队首席射手鲁尔占美尼斯开咧前重伤，令球队加快增兵步伐，狼队主席施瑜喺完成收购後表示：「我哋已经留意古亚迪斯一段时间，好开心完成收购，佢好有才华，喺欧洲各大联赛同国家队都有好表现，而且同狼队唔少球员合作过，有信心佢可以好快适应。」

古亚迪斯喺宾菲加出道，曾经同般卢拿治合作，32次代表葡萄牙国家队上阵嘅佢，对狼队嘅鲁宾尼维斯、摩天奴、普丹斯、柏度尼图、尼尔逊施美度等葡萄牙球星都好熟悉。