喺英超开锣战输畀白礼顿嘅曼联，周二(9日)凌晨安排一场闭门热身赛，顺利以5比1大胜英格兰第5级别球队夏利法斯城，呢场比赛系为上场联赛冇份正选嘅球员安排，希望佢哋透过比赛提升状态，赛前消息指C朗拿度亦会上阵，但佢最终连1分钟都冇踢到，原因未明。

曼联官网未有报道呢场比赛，不过英国《BBC》等媒体消息，曼联今场以对白礼顿冇份踢正选嘅球员为主，包括华拉尼、云迪碧克、杜维尔马拉西亚等球星都有上阵，结果「红魔鬼」靠阿密特迪亚路梅开二度，加上艾历拜利、华拉尼同占士加拿各建一功，轻松大胜5比1完场。

赛前消息一直指C朗会粉墨登场，呢位葡萄牙国脚喺开锣战只系後备上阵踢咗37分钟，领队坦哈格亦指佢状态未跟得上大队，呢场闭门热身本来系佢提升状态嘅好机会，但最终C朗都系冇落场，暂时未知缺阵原因。曼联下场联赛系周日(14日)凌晨作客宾福特，C朗可唔可以做正选仍属疑问。

据报曼联今场正选阵容：

汤希顿

云比沙卡?艾历拜利?华拉尼?杜维尔马拉西亚

伊巴尔?占士加拿?云迪碧克

加拿祖?艾兰加?阿密特迪亚路