法甲球队马赛宣布，已经同智利国脚阿历斯山齐士达成协议，等呢位33岁前锋通过体测之後，就会正式同佢签约。

阿历斯山齐士早前同国际米兰解约，并获得500万欧元赔偿，可以自由身转会，佢迅速同马赛达成加盟协议。

阿历斯山齐士3年前由曼联转投国际米兰，为呢支意甲劲旅上阵109次入20球，同球队一齐捧过意甲、意大利盃及意超盃，但佢大部份时间都系担任後备。由於阿历斯山齐士人工偏高，国米宁愿赔钱送佢走「止蚀」。