阿根廷球王美斯虽然已经由巴塞隆拿转投巴黎圣日耳门(PSG)1年，但佢对於呢个西班牙城市仍然念念不忘，近日又去当地度假，被记者问到有冇打算重投巴塞，佢拒绝回答，似乎想留有後路。

PSG上仗法甲以5比0大胜克莱蒙特，美斯个人梅开二度，并贡献1次助攻，踢得非常轻松，佢仲把握短暂假期飞去巴塞隆拿度假，被球迷同记者「野生捕获」。

美斯对於球迷要求签名，有求必应，但就拒绝回应传媒关於佢回巢巴塞嘅可能性。

巴塞会长拉波塔早前话，亏欠咗美斯，希望佢将来返回巴塞踢到挂靴，盛传已派人同美斯嘅代表接触。由於美斯同PSG只剩1年合约，明夏约满的确有机会返回巴塞。