有关C朗打算离开曼联嘅新闻已经传咗接近两个月，C朗於「双红会」85分钟後备上阵，兼赛後向看台上嘅球迷挥手致谢，被解读为告别曼联，最新说法系佢将会转战法甲，加盟豪门马赛，此消息获两位马赛名宿施斯及拿斯尼力撑，仲话如果C朗降临马赛，会好好关照佢！

嚟到夏天转会窗最後阶段，多间欧洲豪门均已表态无意签入C朗，突然传出上季法甲亚军马赛有意引入该葡萄牙巨星，两位名宿施斯及拿斯尼异口同声讨论C朗加盟嘅可能性，仲表态予以支持！

曾效力马赛及利物浦等大球会嘅施斯，喺社交媒体公开表态欢迎C朗来投，并表示如果佢嚟法甲，会对佢多加关照，施斯留言称：「基斯坦奴，我的朋友，来马赛吧，我可以关照你。#RonaldOM」

踢过马赛同阿仙奴等球队嘅拿斯尼，亦公开称法甲系C朗嘅好去处，佢好坦白话：「法甲系5大联赛水准最低嘅，如果佢过嚟，将可以交出入球同助攻等绝佳数据。」

法国传媒分析指，如果C朗降临法甲，将出现C朗单挑美斯、尼马、麦巴比嘅PSG3叉戟盛况，噱头十足，而且马赛有欧联入场券，亦系法甲争标份子，满足到C朗要求，至於C朗嘅高工资，马赛大可在股价、出售波衫及纪念品得到补偿，绝对有得谂。