欧洲5大联赛夏季转会市场关闭时间进入倒数，近日盛传曼联球星C朗可能最後关头转投拿玻里，但呢支意甲劲旅嘅体育总监基安度利表明，唔会签入C朗，相信呢位37岁葡萄牙国脚已经无路可走，注定今季继续留效红魔鬼。

基安度利话：「签入C朗一事，根本系假嘅，无错，我哋同C朗嘅经理人佐治文迪斯关系良好，但除此之外，并冇其他嘢发生。」

另外，曼联领队坦哈格话非常信任C朗：「我一早已经讲过计划中有C朗，非常明确，依家情况亦一样，我好满意佢，佢喺曼联亦过得好开心，我哋会一齐创造成功球季。」