今年卡塔尔世盃改喺年底举行，已为全世界带嚟唔少麻烦，但更麻烦嘅系该国仲有诸多禁忌，例如售卖啤酒有严格限制，引起球迷极度反感，卡塔尔世盃组委会最新公布嘅啤酒限购令，只容许赛事开赛前後售卖啤酒，令网民骂声不绝。

外媒报道，卡塔尔世盃组委会制定比赛期间啤酒限购令，只容许开赛前3小时及赛後1小时售卖啤酒，但比赛期间严禁卖啤酒。此禁令系咩逻辑，旁人无法理解，但作为世盃赞助商「百威啤酒」就不得不发声。

除咗球场内，百威啤酒只被准许在为期29日嘅世盃，每日下午6时30分至凌晨1时在多哈市中心主要球迷区提供啤酒，其余时间禁止，呢个安排同以往嘅世盃赛事，球迷区全天候供应啤酒相差甚远，而且价格昂贵，据悉每半公升啤酒售价为18美元。

百威啤酒发言人发表声明：「我们正与国际足协密切联系，国际足协正与卡塔尔当局协调，以确保我们对赛事赞助行为受到尊重，并符合当地规则与规定。」

限酒令一出，网民一片骂声，「世盃在极端地区举办真系麻烦」「唔食猪肉可以接受，连啤酒都唔饮得？」「卡塔尔可以办世盃，但唔畀饮啤酒？」

除咗限酒，卡塔尔当地早前曾传出世盃期间「禁蒲令」，赛後派对及非夫妇之间性行为均属违法，搞到要国际足协出面解画。