车路士喺转会窗完结前签入奥巴美扬，呢位加蓬射手早前被劫匪入屋打伤下颚，未知几时可以复出，不过领队杜曹就爆料，话球会正为佢准备一个特制面具，希望可以令佢提前上阵，最好可能周三(7日)凌晨欧联就可以见到呢位「面具侠」！

车路士周六(3日)英超赢韦斯咸，奥巴美扬亦有入场撑新队友，而且表现精神奕奕，对於呢位前锋几时复出，杜曹就表示：「我哋尝试要佢戴面具上阵，但实际情况要视乎制作面具嘅专家，亦要睇奥巴美扬嘅适应情况，可能星期三(作客萨格勒布戴拿模)就可以上阵，如果太早就可能对富咸，又或者再迟1个星期。」