曼联天价新兵安东尼马菲奥斯成「魔」首仗就入波，立即成为红魔鬼球迷以至小将们嘅新偶像，呢位22岁巴西国脚不忘指导後辈，去探望青年军，自然成为被「集邮」对象，包括小C朗在内嘅曼联学徒都搵佢合照。

虽然英超因为英女王逝世而暂停一周，但安东尼马菲奥斯并冇偷懒，返训练基地练波，期间仲去睇曼联青年军比赛，同小将们合照，应该会顺便过几招畀佢哋。

安东尼马菲奥斯曾经表示，自己视C朗为偶像，似乎爱屋及乌，留意埋小C朗表现。安东尼同小C朗只系相差10岁，话唔定将来有机会一齐为曼联披甲。