曼联上周五(16日)凌晨喺欧霸盃作客摩尔多瓦赢舒列夫後，据报有多达12名职、球员出现食物中毒病徵，部份球员更缺席之後2日嘅练习，曼联方面已就事件作出调查，睇下系咩地方出现问题。

英国《太阳报》报道，曼联作客2比0击败舒列夫後，有12人飞返英国後出现不适，而且有食物中毒现象，有部份球员缺席周五同周六嘅操练，「好彩」曼联原定周日(18日)对列斯联嘅赛事延期，否则佢哋好可能要用残阵出战。

据报疑似食物中毒嘅球员病情唔严重，入选国家队嘅球员亦可以如期返国报到，不过曼联就正调查事件，睇下佢哋系喺摩尔多瓦逗留期间食错嘢，定系喺回程航班入面「中招」。