南韩前锋孙兴民自上季赢得英超金靴奖後，人气前所未有高涨，唔少名牌代言合约亦接踵而来。呢位热刺射手最近成为Calvin Klein嘅代言人，喺广告入面着住底数狂Show完美身型，媲美球坛经典「万人迷」碧咸！

30岁嘅孙兴民首度拍摄底裤广告，狂摆型爆Pose兼晒近乎完美嘅身体线条，孙兴民仲识捞表示：「我个衣柜多年来都有个特别位置摆Calvin Klein嘅产品，同佢哋合作系好自然嘅事，能够成为品牌代言人令我非常兴奋。」Calvin Klein以往都有搵英超球星代言，最经典莫过於「万人迷」碧咸，以及阿仙奴名将龙格保。

孙兴民已经成为「时装达人」，今年6月亦获Burberry聘用为全球代言人，同时亦系Ralph Lauren嘅代言人，孙兴民将来挂靴之後，好有潜质向Model界发展。