曾效力罗马、拿玻里嘅希腊中坚文奴拿斯，最近由奥林比亚高斯转投阿联酋球会沙迦，球会为隆重介绍猛将加盟，特别安排一只狮子「陪」文奴拿斯一齐亮相，估唔到最後出丑收场。

31岁嘅文路拿斯拍摄亮相影片嗰阵，好有型咁跪喺只狮子前面，周围拉晒黄色警示线营造悬疑气氛，但唔知系咪搞得太耐，只狮子突然咆吼一声，吓到文路拿斯成个弹起，第一时间想跨过警示线走人，只系畀工作人员叫住安抚。

早前迪亚高哥斯达加盟狼队，球会亦安排佢拖住3只狼亮相，该西班牙国脚事後表示拍摄期间非常担心，估唔到依家连转会都要搵命博！