网上流传英国政府网站有一份请愿书，内部系要求英超将艾宁夏兰特除名，原因系夏兰特系机械人，共有超过40万人签名，似乎系另类称赞夏兰特踢得好。

夏兰特上场曼市打吡连中三元，寻晚欧联仅踢半场又入两粒，今季上阵12场，包括8场英超、3场欧联、1场社区盾，共交出19球3助攻惊人数据，再咁落去，今季入球60+并非难事，已有评论指出，夏兰特已经毋须适应英超，而系整个英超要去适应佢，认真夸张。

因为佢太犀利，网传已有40万人联署向英国政府请愿，要求英超踢走夏兰特，原因系夏兰特系机械人，并非人类，但亦有指呢份请愿书只系P图，纯粹网民恶搞，不过无论真假，夏兰特已成为英超焦点，大家都想睇佢喺英超嘅极限会系点，入到几多球。