利物浦今个夏天以破纪录8,500万镑转会费签达云纽尼斯，但呢位乌拉圭射手嘅表现不似预期，喺英超同欧联嘅入球数字同佢拎红牌次数一样得1次。达云纽尼斯近日接受访问，自爆听唔明高普讲嘅语，似乎语言问题系佢沉沦嘅原因之一。

达云纽尼斯自从对水晶宫食红牌而停赛3场後，复出踢咗5场比赛都冇波入，佢日前接受《TNT》访问话：「事实系，高普讲嘅所有嘢我都听唔明，当然我会问番队友领队讲咗乜，我认为高普对球队嘅比赛风格非常清晰。」

只有23岁嘅纽尼斯，表示有信心会慢慢适应英超：「老实讲英超真系好难适应，但系我深信每一次训练，都会令我逐步咁去适应，而且所有队友都帮助我。」