今季跌落意甲榜尾嘅森多利亚，周四(6日)官方宣布聘任前意甲球星史坦高域接掌帅印，期望佢带领球队谷底反弹。

森多利亚今季成绩大跌，开季8仗联赛仅得2和6负包尾，上仗吞蒙沙3蛋後决定换帅，依家请来曾效力拉素同国米嘅前塞尔维亚国脚史坦高域接手，希望凭佢喺意甲嘅实战经验，帮到球队。

44岁嘅史坦高域同球会签1+1合约，佢退役後曾在乌甸尼斯做助教，3年前返祖家执教贝尔格莱德红星，今年8月喺欧联外围赛输畀海法马卡比後辞职，相隔两个月就等到机会重返意甲，成为森多利亚主帅。