祖云达斯今季成绩差劲，上场联赛输畀AC米兰後，喺意甲跌落第8位，落後榜首拿玻里10分，唔少球迷都要求教练阿里基下台。不过据《米兰体育报》报道，祖云达斯目前唔打算帅，而最大原因唔系祖记对佢仲有信心，而系因为「太贵」！

据报祖记如果炒阿里基，赔偿金高达1,000万欧元，《米兰体育报》指呢个系球会仍然未炒阿里基嘅最大原因，但报道同时指出，阿里基嘅命运将会系於欧联身上，如果球队未能够喺分组赛出线，祖记就算赔大钱都会另觅教练人选。祖云达斯依家喺欧联H组排第3位，落後巴黎圣日耳门同宾菲加4分。