C朗拿度今季喺曼联受到唔少批评，上年回归曼联嘅童话故事，最终变成恐怖故事。据英国《太阳报》报道，一本下月出版、关於C朗同美斯嘅新书将大爆内幕，C朗被指「数臭」曼联，形容今次重返曼联系场「灾难」。

由《华尔街日报》着名记者所写嘅《Messi vs Ronaldo: One Rivalry, Two GOATs, and the Era That Remade the World's Game》，深入记载C朗同美斯嘅足球生涯点滴，当中包括C朗回归曼联後嘅心态，内容提到C朗对前领队兰历克不满，喺一次国际足协活动入面，曾向一名官员形容「重返曼联系灾难」。

书入面仲提到，C朗对曼联有劲多不满，例如曼联未有为卡宁顿训练基地以及训练设施作出投资、不满曼联喺佢2009年离队转投皇马後，一直原地踏步未见进步，而C朗亦对阵中唔少球员嘅体能同投入感差劲感到震惊。

早前有报道话C朗不满卡宁顿训练基地嘅泳池残旧，甚至有损毁而成为受伤陷阱，亦有传过C朗同阵中小将嘅作战态度不满，消息同新书入面嘅内容吻合。