比利时喺今届世界盃分组赛就爆冷出局，执教呢支「欧洲红魔」6年嘅主帅马天尼斯已经辞任，比利时足总最近喺网上刊登广告，公开招聘总教头，条件系「要识赢波」。

比利时足总（RBEF）公开招聘国家足球队嘅新领军人物，首要任务系2024年欧国盃外围赛，新帅嘅条件要有野心，拥有顶级水准嘅国际赛经验及战术知道及，要懂得与人沟通，足总强调「RBEF想搵一个识得赢波嘅全职嘅国家队总教练，拥有管理顶级球员的经验，亦要创建未来嘅新一代」，有兴趣嘅朋友可於2023年1月10日前递交申请。

旧主帅马天尼斯自2016年起执教比利时，并带领球队喺2018年世界盃取得季军，而今届却在小组已出局，未能跻身16强，球队老化、青黄不接都是队内问题。比利时跟住要准备2024年欧国盃外围赛，明年3月要斗瑞典。