英格兰前锋哈利卡尼喺世界盃8强比赛末段射失12码，成为输波罪人，外界一直担心佢唔知几时可以平复心情。呢位29岁射手已经走出阴霾，重返热刺操练，并喺社交网分享操练片段，表示准备好重新上路。

哈利卡尼喺操练过程中，精神面貌唔错，相信佢已忘记悲痛，热刺领队干地亦力撑呢位爱将：「我明白卡尼感受，因为1994年世界盃决赛，意大利互射12码不敌巴西，我都系球队一员，但伤心过後，需要继续前进，足球世界仲有其他机会畀我哋去享受及争夺荣誉，我初时都担心卡尼情况，幸好近几日见佢状况唔错。」

预料哈利卡尼可以出战下周一(26日)晚英超热刺作客宾福特，不过为阿根廷捧世界盃冠军嘅中坚基斯甸罗美路将会缺阵。