英超榜首阿仙奴周四(22日)凌晨进行闭门热身赛，布卡约沙卡、加比尔马天尼利等世盃脚归队後首次上阵，不过「兵工厂」只能同英冠球队卢顿闷和0比0，领队阿迪达透露，加比尔马天尼利可能会喺加比尔捷西斯缺阵期间改踢箭头。

阿仙奴休战期间积极备战，先後踢咗5场热身赛，包括闭门热身输畀屈福特，喺杜拜集训赢里昂同AC米兰，上仗主场不敌祖云达斯同埋今仗闷和卢顿。打入世盃8强嘅布卡约沙卡同加比尔马天尼利今场有份上阵，意味佢哋将可以喺下周二(27日)凌晨对韦斯咸嘅联赛上阵。

巴西前锋加比尔捷西斯喺世盃期间重伤，预计要休战近3个月，领队阿迪达表示会喺阵中寻找解决方案，除尼基迪亚会担正之外，加比尔马天尼利亦会串演前锋，协助「兵工厂」捱过难关。