巴西球王比利日前不幸病逝，享年82岁，佢嘅母会山度士为咗纪念呢位殿堂级人物，宣布今年停用比利球员生涯所着嘅10号球衣，稍後将会开董事会决定是否将呢个传奇号码永久封存。

比利曾经效力山度士18年，协助呢支巴甲球队夺得6次联赛及2次南美自由盃冠军，佢当年习惯着10号球衣，呢个冧巴亦成为後世「王牌球员」、「好波之人」嘅标志。

比利过身之後，佢嘅家属及好多球迷都呼吁山度士将10号波衫「荣休」纪念比利。会方顺应民意，会长安达斯鲁达宣布，今年唔会有山度士球员着10号，意味现时10号仔苏迪尔度需要改着其他号码。会方稍後举行董事会决定是否将呢个号码退役，外界预料董事会好大机会通过永久封存10号。