今晚英足盃第3圈头场，热刺主场迎战甲组仔朴茨茅夫。热刺除咗争前4，盃赛都系佢哋嘅射程范围，啱啱周中大炒水晶宫，梗系食住个势喺英足盃发围，事实上热刺近4次英足盃对非英超球队都唔留手，3次开4球或以上，今场放心捧3.5球入球大。

（无綫myTV SUPER周六晚8时30分直播）

干地手执一副好牌，有哈利卡尼、孙兴民、基斯甸罗美路同洛里斯等，前中後3线实力平均，除咗欧联入场券，都希望可以打破自2008年夺得英联盃後15年嘅锦标荒。事实上干地都重视足总盃，上季半途执教热刺入到16强，之前佢带车路士，更於2017年及2018年两度打入决赛，并於2018年称王。

热刺世盃後近况转好，周中以4比0大破水晶宫，今场英足盃系球队食住上嘅好机会，热刺近4次英足盃对非英超球队都唔留手，3次开4球或以上，2019年更曾作客大胜灿美尔7比0。不过热刺後防出现问题，近11场正式赛事10场有失波，而且全部失两球或以上，朴茨茅夫或者有机会偷鸡入番一粒，主W乏味转捧3.5球入球大。