狼队今季深受降班威胁，会方趁1月冬季转会市场重开，频频出手增兵，继借用马体会前锋马菲奥斯根夏之後，又准备签入进攻球员，今次睇中巴黎圣日耳门(PSG)进攻中场沙拉比亚，有望於短期内将佢收归旗下。

由於PSG中前场人才济济，加上沙拉比亚表现欠佳，今季各项赛事上阵19次，仍然未有入波，只有1次助攻，所以PSG早已打算放弃佢，只要有球会出到500万欧元，就可以带走呢位30岁西班牙国脚。

据悉狼队已经同意PSG嘅开价，双方即将达成协议，并会同沙拉比亚签2年合约，如果佢登陆英超之後有出色表现，狼队甚至会向PSG支付额外奖金。