曼联前锋拉舒福特今季表现大勇，频频入波，呢位英格兰国脚唔止球场得意，商场亦有斩获，佢睇准「球星保安市场」潜力，上月开设保安公司。由於近年有唔少英超球员被贼人爆格，相信福仔应该会生意兴隆。

拉舒福特已经唔系第一次进军商界，加埋今次开保安公司，旗下已经拥有5间公司。英国《太阳报》引述消息人士指，福仔非常有商业头脑，眼见近年有唔少英超球员被人入屋打劫，认为私人保安公司市场潜力庞大，加上以自己喺球坛嘅名气，相信可以吸引球员，甚至演艺明星帮衬。

翻查纪录，域陀连迪路夫、保罗普巴、连格、祖奥简斯路、阿历士张伯伦等球员，都曾经遇劫，拉舒福特开保安公司，可以保护自己财产之余，仲可以帮助其他球员，兼且有钱赚，的确有谂头。