协助拿玻里赢意甲冠军嘅南韩中坚金玟哉，今夏成为转会市场抢手货，早前有传媒爆料，指曼联已经同金玟哉达成转会协议，等7月份金玟哉合约内嘅买断条款生效，就会正式启动转会。不过金玟哉经理人近日就否认有关传闻，更暗指曼联张先确保欧联资格再讲。

26岁嘅金玟哉一直系曼联收购目标，不过佢经理人日前接受《Star News Korea》访问话：「同曼联倾掂嘅消息唔系真嘅，金玟哉专注完成今季赛事，而且我哋连边队英超球队踢欧联都未知，所以唔心急作出任何决定。曼联喺金玟哉仲喺中超踢波嗰阵已经对佢有兴趣，但我哋冇任何正式斟介。」

据报金玟哉同拿玻里合约中存在解约条款，将会喺7月份一段短时间内生效，解约金约为6,000万欧元(约5亿港元)。另外，经理人证实金玟哉将会喺6月至7月间，返南韩接受为期3个星期嘅兵役。