多蒙特喺德甲煞科将冠军拱手让畀拜仁慕尼黑，估唔到转会市场亦继续被「食住」，今夏约满嘅葡萄牙左闸拉菲尔古里路，据报已答应自由身加盟拜仁慕尼黑。再一次见到主力转投死对头拜仁慕尼黑，难怪多蒙特球迷大表失望。

现年29岁嘅拉菲尔古里路，2016年开始效力多蒙特，可惜7个球季都未能染指德甲冠军，佢同球会合约夏天完结将会离队，但令人意外嘅系，佢嘅目的地竟然系拜仁慕尼黑，据转会权威记者Romano透露，双方已就一份3年合约达成协议，下星期体测後就会正式签约。

多蒙特喺德甲一直被拜仁「骑」住，近年亦见证过罗拔利云度夫斯基、马里奥葛斯、晓姆斯等主力向死敌跳槽，拉菲尔古里路就成为最新一个「叛将」，令多蒙特球迷非常失望。