国际热身赛上演「英伦打吡」，苏格兰主场迎战英格兰，苏格兰喺欧国外A组5战全胜领先，今场国际热身赛系检阅实力好机会，英格兰同样喺C组带出，修夫基亦要把握练兵机会，落场球员同样斗志十足，双方近5次交手4次开3球或以上，再追2.5球入球大。（周三凌晨2时45分开赛）

苏格兰喺今届欧国外表现神勇，击败小组实力最强嘅西班牙，同埋有艾宁夏兰特在阵嘅挪威，上仗作客赢塞浦路斯3比0，麦汤米尼同约翰麦甘尼各交出1射1传，出线十拿九稳，主帅奇勒可以开始为明年决赛周部署，今仗主场出击，加上对手系宿敌英格兰，全队上下战意高昂。

英格兰上仗欧国外虽然只能1比1逼和乌克兰，但佢哋喺C组5战4胜1和依然遥遥领先，同样出线在望，主帅修夫基今次选咗几位新兵，锋线会试用尼基迪亚同伊比尔治伊斯，中场干拿加历查同後防高维尔都有望登场，不过无论点变，「三狮兵团」攻力都喺度，今仗同苏格兰合演入球骚唔出奇。