曼城喺周日(23日)凌晨英超仅逼和修咸顿1比1，但中场奇云迪布尼表现仍然可圈可点，呢位比利时国脚有1次射门中柱，以及1次助攻，令佢喺英超生涯助攻次数累积至80次，同曼联名宿碧咸睇齐，并列英超史上总助攻次数排名榜第9位。

英超史上最多助攻嘅球员系杰斯，达到162次，第2位法比加斯有111次，第3位朗尼有103次，第4位系102次嘅林柏特，第5至8位分别系柏金(94次)、谢拉特(92次)、大衞施华(90次)、占士米拿(86次)。

奇云迪布尼一向为球队创造唔少入波机会，但佢今季联赛仅贡献2次助攻，好大程度上由於曼城缺乏射手，浪费佢唔少妙传。不过，相信30岁嘅奇云迪布尼只要继续喺英超搵食，要达到助攻「100+」应该唔难。