今个冬季转会窗最大动作嘅英超球会系热刺同纽卡素，至於车路士、曼联、曼城都冇乜动静，英国传媒估计，上述球会嘅平静只系暴风雨来临前夕，佢哋下一场转会战对象，最有机会系韦斯咸中场迪格兰赖斯，转会费估计破亿镑。

虽然韦斯咸已表明，23岁嘅迪格兰赖斯系非卖品，但该球员从未掩饰自己嘅野心，佢最希望出席欧联赛事，韦斯咸亦朝着联赛前4目标迈进，但要争取欧联入场券难度仍然极高。

迪格兰赖斯同韦斯咸合约尚余两年半，佢14岁前曾在车路士受训，现时车路士对於回购佢有一定想法，至於曼联一直需要加强中场实力，而迪格兰赖斯早前作客奥脱福期间曾经「表露心迹」，表示好喜欢喺奥脱福比赛，曼城对於好球员从来唔会嫌多，佢哋亦有足够资金同吸引力去争签好球员，相信下场转会战嘅争持会相当激烈。