国际足协（FIFA）与欧洲足协(UEFA)就俄罗斯入侵乌克兰，已宣布禁止俄罗斯国家队及国内球会参加呢两个组织旗下嘅所有赛事，俄罗斯足协官方提出抗议，并表示违背咗体育精神，正分裂体坛。

足坛两坛巨头嘅宣布，即意味住俄罗斯无缘今年卡塔尔世界盃，同埋欧霸唯一俄罗斯球队莫斯科斯巴达，会被褫夺今届欧霸盃16强资格。俄国足协官方发声明：「我哋坚决反对，呢个违背体育赛事嘅规范同原则，亦违背体育精神，明显有歧视，伤害咗无数嘅运动员、教练及球会等工作人员，最重要喺伤害数百万俄罗斯球迷及外国球迷。」

俄国足协直言体坛一直坚持平等、尊重及远离政治嘅原则，批评FIFA同UEFA呢种行为正分裂体坛，并表示据国际体育法，佢哋保留上诉嘅权利。