保罗戴巴拿同祖云达斯今个夏天完约，将可以自由身离队。目前包括马体会、国际米兰等球队都对佢有兴趣。不过，巴塞隆拿反而对呢位阿根廷前锋并不感冒，原因可能领队沙维认为佢嘅实力被高估。

28岁阿根廷前锋保罗戴巴拿，今季为祖记喺各项赛事上阵29场并攻入13球，但佢同球队嘅合约去到今年6月就完，届时佢将可以自由身离队。据悉戴巴拿获得马德里体育会、国际米兰同热刺等球队嘅青睐。

不过据《米兰体育报》报道，巴塞隆拿并唔喺戴巴拿嘅竞争行列之中，因为领队沙维似乎唔太锺意佢，并认为佢嘅实力被高估，而且戴巴拿嘅风格亦唔太适合巴塞。巴塞喺1月转会窗时引入奥巴美扬、费伦托利斯等前锋，而且队中仲有安素法迪、奥士文尼迪比利等进攻球员，人手非常充裕，巴塞唔需要佢亦相当合理。