曼城背後的城市足球集团（CFG），喺全球各地都有经营足球球会，集团又将目光转向荷兰，企图入主荷乙球队NAC，不过就遇到当地球迷反抗，近日有NAC球迷就去曼城等欧洲各个与CFG有关嘅球会主场挂起横额，抗议该集团对NAC进行收购。

CFG今次收购引起唔少反对声音，其中有NAC球迷组织就拉队去到曼城嘅阿提哈德球场(Etihad Stadium)表达不满，并挂起「远离我哋嘅地盘，NAC唔属於城市足球集团故事！」嘅抗议横额。该球迷组织亦以同样方式，去到CFG 喺法国同比利时所拥有嘅球会主场抗议，并发表声明，直指企图由曼彻斯特统治足球世界嘅CFG，其背後的资金，来自人权问题严重的国家。

现时CFG 喺全球各地已拥有10间球会，曼城作为集团旗下最出名嘅球会，近年有唔少青训产品包括安祖利奴等，都会被外借至NAC练兵，两间球会关系日渐密切。NAC於2019年由荷甲降班，现时正於荷乙征战。