世盃外非洲区周三赛事话题多多，非洲劲旅尼日利亚主场1比1赛和加纳，但因加纳有作客入球嘅优势获得出线资格，而尼日利亚惨被淘汰出局，自2006年以来首次无缘世界盃，大批球迷情绪激动，冲落球场引起骚乱。

尼日利亚喺呢场生死战开波10分钟就输波，加纳凭汤马士柏迪一个世界波先开纪录，虽然到22分钟主队获得一个12码追平1比1，但跟住已经无法再有入球进账。由於作客入球不及对手，尼日利亚疯狂进攻，全场射门高达20次，但始终无法攻入加纳大门，而全场射门6次仅1次射中嘅加纳，就顺利取得了世盃入场券。

主场球迷睇住尼日利亚出局嬲到爆，不断掟水樽，大批球迷完场後冲入球场，大肆破坏球场里面嘅设施，当中包括球员席嘅座椅；警方需要出动*********驱赶人群，场面混乱。

尼日利亚喺非洲区嘅劲旅之一，过去7届世盃曾有6次打入决赛周，而首回合他们作客加纳打成0比0。