C朗上仗因病缺阵，曼联喺英超即告失分，主场只能1比1赛和李斯特城，其後C朗喺IG上载一张全家幅，并留言「家庭是一切」，外间估计佢都唔睇好曼联前景，要陪伴家人缓解不快。至於佢有几顾家，西班牙一个节目报道，C朗每月家用系10万欧元(约85.9万港元)，足够家人过富足生活。

西班牙节目「生活万岁」提到，C朗每月向女友乔治娜转账10万欧元，作为家庭日常开支，包括照顾3名子女等，而乔治娜娜现时怀有身孕，系一对龙凤胎，相信家庭开支将会愈来愈大，可能C朗稍後要考虑下加家用。

C朗喺曼联周薪超过50万镑，加埋佢赞助同营商，收入无法估计，而佢嘅名气亦带挈埋乔治娜有丰厚收入，包括做KOL、品牌代言同做生意等。