曼城公布今年夏天将远赴美国掘金，进行两场热身赛，今次系新冠肺炎爆发後「蓝月亮」首次外访。曼城第一场将会喺7月20日喺休斯敦对墨西哥球队CF阿美尼加，不过第二场嘅对手同地点仲未确定到，球会指下个星期会有公布。

「蓝月亮」对上一次出国踢季前热身赛，已经系2019年，当年佢哋先後到访南京、上海、香港同横滨。第一站喺中国完成英超亚洲盃并且捧盃而回，跟住访港同杰志进行热身赛，最後去日本结束「亚洲之行」。

虽然曼城讲明今次美国之行会有2场热赛，但第2场赛事嘅详情仲未公布，未知系咪会同其他英超球会拍跳，要等埋另一队先可以正式公布。