西甲球会皇家苏斯达宣布，同36岁中场大衞施华续约1年至2023年6月，意味呢位西班牙名将好大机会留队至挂靴。

大衞施华原本今夏约满，佢对於可以续约感到非常高兴：「好开心可以留队踢多1季，我哋有非常热情嘅球迷，会方提出想同我续约，我毫不犹豫就答应。」

皇家苏斯达发表声明大赞大衞施华无论喺球场上或者更衣室，都发挥重要作用，佢嘅控球、助攻及阅读球赛能力，都令人惊讶。

大衞施华2020年夏天离开效力咗10年嘅曼城，以自由身加盟皇家苏斯达，为球队上阵56场入3球，并协助皇苏夺得1次西班牙盃冠军。