皇家马德里将於5月29日凌晨欧联决赛对利物浦，皇马教练安察洛堤透露，将会预埋「长期伤兵」加里夫巴利参加今场大战，畀个机会佢同球迷道别。

加里夫巴利将於今夏约满离队，皇马上场西甲煞科战主场对贝迪斯，原本被视为呢位32岁威尔斯国脚嘅告别战，点知连大军名单都冇佢份，令人以为巴利已经黯然离开。

不过，安察洛堤表示，加里夫巴利仍然有机会喺欧联决赛亮相：「巴利想上阵告别，仲有最後1次机会，如果情况许可，应该可以踢欧联决赛。」加里夫巴利今届欧联仅上阵7分钟，佢由4月开始受到背伤困扰，加上欧联决赛战情必定激烈，令人怀疑佢有冇能力应付。

如果加里夫巴利有幸披甲，就会第5次踢欧联决赛，同C朗睇齐。