保罗普巴今夏以自由身由曼联转投祖云达斯之後，唔止事业冇起色，仲直插谷底，除咗受伤之外，近日更同兄弟反目，互数衰嘢。祖记教练阿里基亦承认最近冇见过呢位法国国脚，只能寄望佢下周归队操练。

阿里基被问到普巴情况时，佢话：「保罗仲未踢得比赛，但如果一切顺利，佢下周应该可以开始跑步，希望佢到时归队，佢系球队重要一员，现时有部份球员同球队分开咗，我最近冇见过普巴。」

另外，阿里基透露喺首轮联赛受伤嘅迪马利亚已经痊愈，可以喺周四(9月1日)凌晨意甲候命，主场对史柏斯亚，但呢位阿根廷老将届时会先任後备。