德甲球会RB莱比锡周日(9日)宣布，球队签入挪威国脚门将尼兰特，双方签约至明年6月，佢会代替上星期重伤收咧嘅门将古拉施斯。

匈牙利门将古拉施斯上星期欧联对些路士期间，膝部严重受伤提早收咧，德甲条例容许RB莱比锡喺转会窗以外作出收购，球队即同自由身嘅尼兰特达成协议，呢位32岁门将曾效力阿士东维拉同诺域治，今夏约满雷丁後未有落班。

虽然尼兰特可以喺德甲上阵，不过欧洲足协唔容许球队更改球员名单，意味RB莱比锡剩低嘅3场欧联分组赛，都要用後备门将巴拉斯域治把关。