阿根廷相隔36年後再夺世盃冠军，令全国人民可以过一个完美嘅圣诞节，阿根廷足总亦趁呢个佳节，推出一个感人小故事广告，代表国民「多谢」美斯将大力神盃带返阿根廷，令球迷得到梦寐以求嘅圣诞礼物。

广告一开始影住一个小朋友，好心急咁走落楼梯，当佢见到圣诞树下面嘅礼物即露出惊叹表情，然後第一时间「滑」圣诞树拆礼物，原来入面就系大力神盃。小朋友用尽力气将大力神盃举起，念念有词讲一句「多谢美斯爸爸」(Papa Lionel)，最後又鍚又揽爱不释手。(阿根廷叫圣诞老人做Papa Noel)

阿根廷足总借呢个广告，代表阿根廷人民多谢美斯将最好嘅圣诞礼物带畀佢哋，同时表达「恭贺所有世界冠军」，相当有心思，唔少球迷都赞呢个广告够晒温馨。