法国权威《队报》日前评选2022年最佳阵容，世盃冠军阿根廷只有美斯1人入选，法国就有3人成功入围，11人当中有5人喺英超效力，系最多球员入选嘅联赛。

《队报》嘅评选向来以严厉见称，所以佢哋评嘅最佳阵容就特别受人关注，今次最佳11人入面，美斯、基利安麦巴比同「金球奖」得主宾施马组成锋线，相信都唔会有太多异议，中场就有奇云迪布尼、卡斯米路同莫迪历，反而防线就比较有惊喜，喺世盃上位嘅克罗地亚中坚加华度尔成功上榜，同华基尔云迪积克合组中坚，两闸就由迪奥靴南迪斯同基尔获加出任，门将就系泰拔高图尔斯。

《队报》2022最佳11人

泰拔高图尔斯

基尔获加?华基尔云迪积克?加华度尔?迪奥靴南迪斯

莫迪历?卡斯米路?奇云迪布尼

美斯?宾施马?基利安麦巴比