C朗加盟沙特阿拉伯球队艾纳斯之後，好快就有机会同宿敌美斯交手，因为呢位阿根廷球王效力嘅巴黎圣日耳门(PSG)将於2023年1月19日到访沙特，同「利雅得明星队」踢热身赛，相信C朗将会代表明星队上阵，再次同美斯合演球王大战。

由卡塔尔体育投资局拥有嘅PSG早前已经宣布将於1月去卡塔尔集训，并於1月19日喺沙特阿拉伯首都利雅得踢1场热身赛，对手系由艾纳斯及希拉尔球员组成嘅「利雅得明星队」，C朗身为艾纳斯新招牌球星，相信会成为明星队一员。

刚过去嘅世界盃，好多球迷原本期望美斯同C朗可以喺决赛交锋，决出终极球王，但事与愿违，葡萄牙8强就出局，C朗同美斯缘悭一面，估唔到咁快又有机会碰头，势必成为全球瞩目焦点。

两人胜负仲未知，但沙特阿拉伯成功将全世界球迷目光集中喺当地，肯定成为最大赢家。